Azərbaycanın qadın güləşçilərdən ibarət seçmə komandası Macarıstanda hazırlıq mərhələsinə start verib.

Offsideplus.az xəbər verir ki, Tatabanya şəhərində baş tutan bu təlim-məşq toplanışı geniş coğrafiyası ilə diqqət çəkir. Belə ki, hazırlıqlarda Yaponiya, Almaniya, Braziliya və Türkiyə daxil olmaqla ümumilikdə 11-dən çox ölkənin idmançıları bir araya gəlib.

Toplanışın əsas prioriteti güləşçilərin taktiki-texniki göstəricilərini təkmilləşdirməkdir. Məşqlər baş məşqçi əvəzi Toğrul Əsgərov və böyük məşqçi Ağahüseyn Mustafayevin nəzarəti altında keçirilir.

Heyətdə yer alan idmançılar:

• 50 kq: Əsmər Cankurtaran, Elnurə Məmmədova

• 53 kq: Nərgiz Səmədova

• 57 kq: Jalə Əliyeva

• 59 kq: Günay Qurbanova

• 62 kq: Ruzanna Məmmədova

• 68 kq: Birgül Soltanova

• 72 kq: Zəhra Kərimzadə

Fevralın 9-da başlayan hazırlıq prosesi ayın 21-nə qədər davam edəcək.