Fransa yığmasının və "Arsenal"ın əfsanəsi Tyerri Anri 2005-ci ildə "Liverpul"lu Stiven Cerrardın dünyanın ən yaxşı futbolçusu seçilməməsinə təəccübləndiyini bildirib.

Offsideplus.az xəbər verir ki, o, həmin il ingilis yarımmüdafiəçinin "Qızıl top"a layiq olduğunu söyləyib.

"2005-ci ildə Stiven Cerrard İstanbulda keçirilən Çempionlar Liqasının finalında "Milan"la matçın taleyini həll etdikdən sonra dünyanın ən yaxşı futbolçusu seçilmədi. Bu, absurd idi. Dünya futbolu üçün əsl biabırçılıq nümunəsi", - deyə Anri vurğulayıb.

Xatırladaq ki, 2005-ci ildə "Qızıl top"a "Barselona"dan Ronaldinyo sahib çıxıb. Cerrard siyahıda 3-cü pillədə qalıb.