Ukrayna futbol yığmasının baş məşqçisi Sergey Rebrovun aylıq məvacibinin məbləği açıqlanıb.

Offsideplus.az xəbər verir ki, 2023-cü ildən milli komandaya rəhbərlik edən çalışdırıcının maaşı təxminən 123 min avroya bərabərdir.

Bu barədə Ukrayna mətbuatında məlumat yayılıb: "Sergey Rebrovun bettinq (mərc oyunları şirkəti - red.) sponsoru var, bu şirkət məşqçinin imic hüquqlarından yararlandığına görə onun əməkhaqqısının ödənilməsində iştirak edir. Sponsor ayda 93 min avro ödəyir. Baş məşqçi maaşının qalan hissəsini - təxminən 30 min avronu Ukrayna Futbol Federasiyasından alır. Bu təcrübə dünya futbolundan çoxdan var. Sponsor federasiyanın maliyyə yükünü azaldır".

Rebrovdan fərqli olaraq, Azərbaycan milli komandasının baş məşqçisi Fernandu Santuşun maaşı ilə bağlı hələ də dəqiq məlumat yoxdur. Ölkə mətbuatında portuqaliyalı mütəxəssisin məvacibinə dair müxtəlif rəqəmlər səsləndirilib.

Szügedən məşqçilər - Rebrov və Santuş bu ilin payızında bir-birinə rəqib olacaqlar. Dünya çempionatının seçmə mərhələsində Azərbaycan və Ukrayna arasındakı qarşılaşmalar 9 sentyabr və 13 oktyabr tarixlərinə salınıb.