"Kəpəz"dən ayrıldıqdan bəri klubsuz olan Cavid İmamverdiyevin yeni ünvanı bəlli olub.

 Offsideplus.az-ın əldə etdiyi məlumata görə, 33 yaşlı hücumameyilli yarımmüdafiəçi AFFA Region Liqasında mübarizə aparan "Şəki Siti" klubu ilə razılaşıb.

6 aydır ki, futbol oynamayan İmamverdiyev şimal-qərb təmsilçisinin təklifinə "yox" deməyib. 

"Şəki Siti" yaxın günlərdə təcrübəli futbolçunun keçidini açıqlayacaq.

Qeyd edək ki, Azərbaycan millisinin sabiq üzvü "Neftçi", "Sumqayıt", "Sabah", "Keşlə"( indiki "Şamaxı" - red.) və son olaraq "Kəpəz" kimi klubların uğurları üçün çalışıb. İmamverdiyev legioner həyatı da yaşayıb. Belə ki, o, 2015-ci ildə Türkiyənin "Elazığspor" klubunda çıxış edib.

Daşqın Əziz