"İnanırıq ki, bu gün Azərbaycan xalqını sevindirəcəyik".

Bu sözləri Offsideplus.az-a açıqlamasında minifutbol üzrə Azərbaycan millisinin qapıçısı Davud Kərimi bugünkü Rumıniyaya qarşı keçirəcəkləri final matçı barədə danışarkən deyib.

O, finala qədər irəliləməylərinin səbəbinin güclü dəstək olduğunu deyib:

"Azərbaycan xalqının dəstəyi ilə finala adladıq. Hər birinizə minnətdaram. Həqiqətən də insanların dəstəyi bizi daha da ruhlandırdı. Bunun qarşılığını finalda da göstərməyə çalışacağıq".

Təcrübəli qolkiper Rumıniyanın millimizdən güclü olmadığını söyləyib:

"Şansları eyni qiymətləndirərdim. Rumıniya bizdən güclü deyil. Oyuna yaxşı hazırlaşmışıq. İnşallah, bu gün onlara qalib gələcəyik".

Cavid Əliyev