“Çox sevinirəm. Qələbə münasibəti ilə hər kəsi təbrik edirəm. Komandamız kuboku qazanmağı çox istəyirdi”. 

Offsideplus.az xəbər verir ki, bu sözləri “Keşlə”nin hücumçusu Vaqif Cavadov ölkə kubokunun finalında “Qəbələ”ni 1:0 hesabı ilə məğlub etdikləri oyundan sonra deyib.

Təcrübəli futbolçu bildirib ki, onun üçün qolu kimin vurması önəmli deyil: “Oyundan öncə çətin olacağını bilirdik. Belə də oldu. Amma gözəl çıxış etdik. Artıq kubok bizimdir. Qolu kimin vurması önəmli deyil. Fərqlənməsəm dəə, məhsuldar ötürmə verdim. Əsas odur ki, qalib gəldik və kubok “Keşlə”nindir”.