DÇ-2022-nin seçmə mərhələsində millimizin rəqiblərindən olan Serbiya yığmasının heyəti açıqlanıb.

Offsideplus.az yerli federasiyanın rəsmi saytına istinadən xəbər verir ki, baş məşqçi Draqan Stoykoviç 30 futbolçuya dəvət göndərib. 

Qapıçılar: Predraq Raykoviç ("Renn", Fransa), Marko Dmitroviç ("Eybar", İspaniya), Borçe Nikoliç ("Bazel", İsveçrə).

Müdafiəçilər: Stefan Mitroviç ("Strasburq", Fransa), Nikola Milenkoviç ("Fiorentina", İtaliya), Uroş Spayiç ("Feyenor", Niderland), Miloş Velkoviç ("Verder", Almaniya), Straxinya Pavloviç ("Serkl", Belçika), Marko Petkoviç (TSC), Milan Qayiç (“Srvena Zvezda”, Serbiya), Filip Mladenoviç ("Legiya", Polşa).

Yarımmüdafiəçilər: Mixailo Ristiç ("Monpelye", Fransa), Saşa Lukiç ("Torino", İtaliya), Uroş Raçiç ("Valensiya", İspaniya), Nemanya Maksimoviç ("Xetafe", İspaniya), Nemanya Qudel ("Sevilya", İspaniya), Nemanya Radonyiç ("Herta", Almaniya), Duşan Tadiç ("Ayaks", Niderland), Nenad Krstiçiç (AEK, Yunanıstan), Sergey Milinkoviç-Saviç ("Latsio", İtaliya), Filip Curiçiç ("Sassuolo", İtaliya), Darko Lazoviç ("Verona", İtaliya), Marko Qruyiç ("Portu", Portuqaliya), İvan İliç ("Verona", İtaliya), Andriya Jivkoviç (PAOK, Yunanıstan), Filip Kostiç ("Ayntraxt" Frankfurt, Almaniya)

Hücumçular: Aleksandar Mitroviç ("Fulhem", İngiltərə), Luka Yoviç ("Real", İspaniya), Duşan Vlahoviç ("Fiorentina", İtaliya), Corce Despotoviç ("Rubin", Rusiya).

Qeyd edək ki, Serbiya millisi martın 24-də İrlandiyanı, 27-də Portuqaliyanı qəbul edəcək, ayın 30-da isə Bakıda millimizin qonağı olacaq.