Türkiyənin AK Partiyasından olan Qaziantep millət vəkili Əli Şahin Braziliyaya səfərindən sonra sosial mediada sensasion açıqlama verib.
Offsideplus.az xəbər verir ki, o, "Real Madrid" və "Fənərbağça"nın keçmiş əfsanəvi futbolçusu Roberto Karlosun dörd həftə əvvəl İslam dinini qəbul etdiyini iddia edib.
- Mənbə San-Pauludandır: Deputat Əli Şahin San-Pauluda Braziliya İslam Hüquqşünasları Assosiasiyasının vitse-prezidenti və İslam dünyasının 500 en nüfuzlu simasından biri sayılan Şeyx Cihad Hammadə ilə görüşüb. Bu barədə ona şəxsən Şeyx Cihad məlumat verib.
- Şəhadət gətirildiyi bildirilir: İddiaya görə, dünyaca məşhur sol cinah müdafiəçisi uzun müddətdir ki, Şeyx Cihadla təmasda olub və dörd həftə əvvəl onu ziyarət edərək Şəhadət gətirib.
- Təbrik mesajı: Əli Şahin paylaşımında "Roberto Karlosu İslamı qəbul etməsi münasibətilə təbrik edir, ona və ailəsinə dinc, sağlam və bərəkətli ömür arzulayıram" sözlərini qeyd edib.
Məlum olan bütün detallar yalnız tək bir zəncirə dayanır: Şeyx Cihad bu barədə Əli Şahinə bildirib, Şahin isə bunu ictimaiyyətə açıqlayıb.
Hələlik nə Roberto Karlosun özündən, nə də onun rəsmi nümayəndələrindən bu barədə açıqlama verilib, Braziliya tərəfindən də müstəqil təsdiq daxil olmayıb.
