Məhəmməd Salah bu gün "Liverpul"un İngiltərə Kuboku (FA Cup) çərçivəsində "Mançester Siti"yə qarşı keçirəcəyi qarşılaşmada diqqət mərkəzində olacaq.

Offsideplus.az xəbər verir ki, bu maraq misirli hücumçunun klubdan ayrılacağı ilə bağlı yayılan rəsmi xəbərlərdən sonra daha da artıb.

Salah mövsümün sonunda "Enfild"i tərk edəcəyini açıqlayıb. Bununla da onun Mersisayddakı 9 illik möhtəşəm karyerası başa çatır.

Artıq ulduz futbolçunun növbəti dayanacağı müzakirə mövzusudur. Salahın Səudiyyə Ərəbistanı Pro Liqasına keçidi getdikcə daha real görünür.

Mənbələr bildirir ki, onun rəsmi açıqlamasından sonra yeni danışıqlar aparılıb və onun Premyer Liqadan gedişi artıq qaçılmaz hesab olunur.