Argentina Futbol Assosiasiyası (AFA) rəhbərliyi milli komandanın baş məşqçisi Lionel Skaloni ilə yeni müqavilə imzalanacağına tam əmindir.
Offsideplus.az xəbər verir ki, Tərəflər arasında danışıqlar müsbət məcrada davam edir və AFA məşqçi korpusuna uzunmüddətli yeni müqavilə təklif edib.
-
Tam inam: AFA prezidenti Klaudio Tapiya və rəhbərlik Skaloninin komandadakı fəaliyyətindən tam razıdır və onun "Albiseleste" layihəsinin başında qalmasını əsas prioritet sayır.
-
Uzunmüddətli müqavilə: Assosiasiya Skaloni və onun köməkçiləri ilə növbəti Dünya Çempionatı tsiklini (2030-cu ilə qədər) əhatə edəcək müqavilə imzalamaqda maraqlıdır.
Təcrübəli mütəxəssis bundan əvvəl milli komandada yarana biləcək kadr dəyişiklikləri və yenilənmə prosesinin çətinliyinə görə gələcəyi haqqında düşündüyünü bildirmişdi.
