İngiltərə Premyer Liqasının keçmiş referisi Mark Helsi FİFA-nın İngiltərə və Argentina milliləri arasındakı prinsipial qarşıdurmaya İsmayıl Əlfəti baş hakim təyin etmək qərarına münasibət bildirib və bu addımın onda təəccüb doğurduğunu gizlətməyib.
Offsideplus.az xəbər verir ki, təcrübəli sabiq hakim belə böyük əhəmiyyət kəsb edən qarşılaşma üçün fərqli bir namizədin seçilməsinin daha doğru olacağını qeyd edib:
"Bu miqyasda bir oyun üçün mən müntəzəm olaraq Çempionlar Liqası və ya Avropa Liqasının mühüm matçlarını idarə edən, daha böyük təcrübəyə malik bir hakimin təyin olunmasını üstün tutardım."
Helsi Əlfətin müsbət keyfiyyətlərini qeyd etsə də, oyunun çətinlik dərəcəsinə diqqət çəkib:
"Əlfət futbolçularla ünsiyyət qurmağı bacaran, güclü idarəçilik qabiliyyətinə malik yaxşı bir mütəxəssisdir. Lakin o, karyerası ərzində heç vaxt belə bir böyük təzyiqlə qarşı-karşıya qalmayıb. Bu qərarın arxasında hər hansı bir tərəfkeşlik dayandığına inanmıram, lakin görünən odur ki, FİFA-nın ona güvəni olduqca böyükdür."
