19-22 avqust tarixlərində İsmayıllıda şose velosipedi üzrə Azərbaycan çempionatı keçirilib.

Offsideplus.az xəbər verir ki, Azərbaycan Respublikası Gənclər və İdman Nazirliyi və Azərbaycan Velosiped İdmanı Federasiyasının dəstəyi ilə keçirilən çempionatın qaliblərinin mükafatlandırılması üçün yekun tədbir Azərbaycan Respublikasının Dövlət himninin səsləndirilməsi ilə başlanıb.

Mükafatlandırma mərasimində İsmayıllı rayon İcra Hakimiyyəti başçısının müavini Sevil Əhmədova, Bakı şəhər Gənclər və İdman Baş İdarəsinin rəisi Raqif Abbasov, AzVİF-in baş katibi Fərhad Əliyev, həmçinin Gənclər və İdman Nazirliyinin nümayəndələri iştirak ediblər.

Qalib və mükafatçılar medal və diplomla təltif ediliblər.