Azərbaycanın əməkdar artisti, "Neftçi" klubunun Müşahidə Şurasının keçmiş üzvü Bəhram Bağırzadənin səhhəti ilə bağlı yeni xəbər yayılıb.

Offsideplus.az xəbər verir ki, Mərkəzi Gömrük Hospitalı rəisinin müalicə işləri üzrə müavini Bəxtiyar Musayev onun vəziyyətinin ağır olaraq qaldığını bildirib:

“Bəhram Bağırzadənin son vəziyyətində müəyyən müsbət dinamika qeyd edilir, lakin ağır olaraq qalır və təyinat üzrə müalicələr davam etdirilir”.

Qeyd edək ki, Azərbaycanın əməkdar artisti Bəhram Bağırzadə koronavirus infeksiyasına yoluxub. O, vəziyyətinin kəskin pisləşməsi səbəbindən əvvəl müalicə olunduğu xəstəxanadan iyunun 13-də Mərkəzi Gömrük Hospitalının reanimasiya şöbəsinə köçürülüb. Əməkdar artistin ağciyər toxumasının 90%-dən çoxu zədələndiyindən onu ECMO cihazına qoşublar.