16 yaşadək qızlardan ibarət basketbol yığmamız təlim-məşq toplanışı çərçivəsində Türkiyəyə yola düşüb.

Offsideplus.az xəbər verir ki, Ferhat Akcanın rəhbərlik etdiyi milli komanda 20-29 avqust tarixlərində İstanbulda baş tutacaq Avropa Çempionatı B divizionuna hazırlıqların son mərhələsini keçirəcək.

Bu təlim-məşq toplanışında taktiki, texniki və fiziki çalışmalarla yanaşı, bir sıra yoxlama oyunları baş tutacaq.

Qeyd edək ki, hazırlıq prosesinə 18 avqustda yekun vurulacaq.