“Quba”nın baş məşqçisi Şəhriyar Əsgərov klubun mətbuat xidmətinə açıqlama verib.

Offsideplus.az həmin açıqlamanı təqdim edir: “Son turda “Ordu”ya şanssız şəkildə uduzduq. Həmin görüşdə itkilərimiz olmasaydı, uğurlu nəticə qazana bilərdik. Həmin matçdan sonra məhz bu gün oynayacağımız “Sumqayıt”la görüşə hazırlaşmışıq. Təbii ki, qrupda heç bir komandaya qarşı oynamaq asan deyil. Hər bir rəqiblə görüşdə qalib gəlmək üçün taktiki gedişlər işləməlidir, performans göstərmək lazımdır. Təbii ki, rotasiya geniş olanda daha yaxşıdır. Ümidvaram ki, hər şey bizim üçün yaxşı alınacaq və qələbə qazanacağıq”.