DÇ-2020-nin elit-raund mərhələsində iştirak edəcək futzal üzrə Azərbaycan millisinin yanvarın 13-dən Bakıda təlim-məşq toplanışı başlayacaq.
Offsideplus.az AFFA-nın rəsmi saytına istinadən xəbər verir ki, baş məşqçi Joze Alesio Da Silva təlim-məşq toplanışı üçün 14 oyunçuya dəvət göndərib.
13 gün davam edəcək hazırlıq prosesi zamanı komanda yanvarın 21-də və 22-də Bakı İdman Sarayında Özbəkistan yığması ilə iki yoldaşlıq oyunu keçirəcək.
Qeyd edək ki, Azərbaycan millisi DÇ-2020-nin elit-raund mərhələsi çərçivəsində yanvarın 29-da Xorvatiya, 30-da Rusiya, fevralın 1-də isə Slovakiya yığmaları ilə qarşılaşacaq. Bu qrupun oyunları Xorvatiyanın Osiek şəhərindəki “Qradsk vrt Arena”da baş tutacaq.
| № | AD, SOYAD | KLUB |
| 1 | Rövşən Hüseynli | Araz |
| 2 | Emin Kürdov | EKOL |
| 3 | Rizvan Fərzəliyev | Araz |
| 4 | Amir Shojaei | Araz |
| 5 | İsa Atayev | Araz |
| 6 | Oliveira Da Nascimento | Alarabi Sportinq Club (Küveyt) |
| 7 | Jonathan Luiz De Angelis | Alarabi Sportinq Club (Küveyt) |
| 8 | Ramiz Çovdarov | Araz |
| 9 | Hadi Ahmadi | Araz |
| 10 | Eduardo Borges | ACCS Futsal Club Paris (Fransa) |
| 11 | Xətai Bağırov | Araz |
| 12 | Tiago Telles Martins | Norilsk Nikel (Rusiya) |
| 13 | Eshagh Soorghali | Azaraxş (İran) |
| 14 | Tofik Mikayılov | Marafon |
