"Şarlott Hornets"in forvardı Kon Knippel mövsümdə ilk dəfə meydana çıxsa da, zədə səbəbindən oyunu erkən başa vurub.

Offsideplus.az xəbər verir ki, Knippel sol ayağının arxa hissəsində ağrılar hiss etdiyinə görə cəmi 6 dəqiqə oynayıb və meydanı tərk edib. O, bu müddətdə cərimə atışlarından 3 xal qazanıb (3/3), bir atışı dəqiq olmayıb və 2 top itirib. "Şarlott Hornets" bu qarşılaşmada "Bruklin Nets"ə 104:114 hesabı ilə uduzub. Komandanın digər oyunçusu Kobi Uayt isə 18 dəqiqə ərzində 4 xal, 5 ribaund, 2 assist, 2 top itkisi və 1 blokşutla yadda qalıb. O, ikinci hissədə göz nahiyəsinə zərbə aldıqdan sonra qısa müddətlik meydanı tərk etsə də, sonradan oyuna qayıdıb.