Kişi basketbolçulardan ibarət Azərbaycan millisi "EuroBasket 2029"un ilkin seçmə mərhələsində bu gün sonuncu oyununu keçirəcək.

Offsideplus.az xəbər verir ki, Tahir Baxşıyevin baş məşqçisi olduğu komanda VI tur çərçivəsində İrlandiya seçməsini sınağa çəkəcək.

Bakı İdman Sarayında təşkil olunacaq qarşılaşma saat 17:00-da başlayacaq.

Qeyd edək ki, yığmamız hazırda A qrupunda 7 xalla 3-cü pillədə qərarlaşıb. Qrupun lideri Şimali Makedoniyanın 10 xalı var. Lüksemburq 7 xalla 2-ci, sonuncu rəqibimiz İrlandiya isə 6 xalla 4-cü sıradadır.