"Turan Tovuz” klubu tarixi rekordunu bu dəfədə təkrarlayıb.

Offsideplus.az xəbər verir ki, məlumatı Peşəkar Futbol Liqasının mətbuat xidməti yayıb.

Məlumata görə, Tovuz təmsilçisi bunu Azərbaycan kubokunun II təsnifat mərhələsinin “Hypers Guba” ilə matçında (7:2) reallaşdırıb.

“Turan Tovuz” 4-cü dəfə bir oyunda 7 qol vurub. Tovuz təmsilçisi 2016/2017 mövsümündə I Divizionda (indiki I Liqa) oynadığı vaxt üç fərqli qarşılaşmada belə məhsuldar olub. “Energetik” komandasını 7:0 və 7:1, “Bakılı”nı 7:0 hesabı ilə məğlub edən tovuzlular həmin rekordu yenidən təkrarlayıb.

Amma 7:2 hesablı qələbə klub tarixində kubokdakı rekordlarla yadda qalıb. “Turan Tovuz” bu turnirdə ən böyük qələbəsini, ən yüksək məhsuldarlığını və ən qollu matçını sərgiləyib. Əvvəlki mövsüm bu üç rekord “Göygöl”ləki matça aid idi. Həmin oyunda tovuzlular 5:1 hesabı ilə qələbə qazanmışdılar.