“Neftçi” Türkiyə təlim-məşq toplanışı çərçivəsində ikinci yoxlama oyununu keçirib.

Offsideplus.az xəbər verir ki, “ağ-qaralar” Türkiyə Super Liqası təmsilçisi “Sivasspor”a 2:1 hesabı ilə qalib gəlib. 

“Palandöken Yüksek İrtifa Camp Facilities”də baş tutan matçda flaqmanın qollarını Mark Tamaş (27-ci dəqiqə) və Yeqor Boqomolski (79-cu dəqiqə) vurublar.

Qeyd edək ki, ilk sınaq matçında digər Super Liqa klubu “Alanyaspor”u 3:1 hesabı ilə məğlub edən komanda növbəti yoxlama oyununu da Türkiyə klubuna qarşı keçirəcək. “Ərzurumspor”la görüş iyulun 20-si Bakı vaxtı ilə saat 18:00-da start götürəcək.