Velosiped idmanının inkişaf etdirilməsi və coğrafiyasının genişləndirilməsi istiqamətində görülən işlər çərçivəsində Azərbaycan Velosiped İdmanı Federasiyası Sumqayıt Velosiped İdmanı Klubunun inkişafına və fəaliyyətinə dəstək məqsədi ilə klubla əməkdaşlığa başlayıb.

Offsideplus.az federasiyanın rəsmi saytına istinadla xəbər verir ki, bu barədə federasiyanın mətbuat xidməti məlumat yayıb.

Birgə işbirliyinin əsas məqsədi kütləviliyi təmin etmək, insanları ekoloji cəhətdən təmiz nəqliyyat vasitəsi olan velosipeddən istifadəyə həvəsləndirmək, həmçinin yeniyetmə və gənclər arasında sağlam həyat tərzini təbliğ etməkdir.

Azərbaycan Velosiped İdmanı Federasiyasının prezidenti Mədət Quliyev tərəfindən Sumqayıt Velosiped İdmanı Klubuna velosipedlər və ehtiyat hissələri hədiyyə edilib. Daha öncə İsmayıllıda velosiped klubuna oxşar dəstək göstərilmişdi.