Sabah Avropa Liqasının əsas mərhələsinin VII turunda "Qarabağ" FKSB ilə qarşılaşacaq.

Offsideplus.az xəbər verir ki, bu gün oyundan öncə mətbuat konfransı keçirilib. 

Ağdam təmsilçisinin baş məşqçisi Qurban Qurbanov görüş haqda bunları söyləyib:

"İlin ilk avrokubok oyunudur. Bu matça tam hazır olmaq bizim üçün çox vacibdir. Pis hazırlaşmamışıq. Bəzi problemlərimiz var. Yaxşı komandaya qarşı oynadığımızı bilirik. FKSB çox yaxşı nəticələr göstərmiş kollektivdir. Rumıniya futbolu həmişə öz ciddiliyi, sərt oyunu ilə seçilib. Sabah vacib mübarizəyə hazır olmalıyıq. Hazırıq da. Vacib qələbə qazanmaq istəyirik".