"Qarabağ" UEFA Avropa Liqasının qrup mərhələsində qarşılaşacağı "Vilyarreal"la oyunöncəsi növbəti dəfə koronavirus testindən keçib.

Offsideplus.az klubun rəsmi saytına istinadən xəbər verir ki, Şahruddin Məhəmmədəliyev və Xayme Romeronun testinin nəticəsi pozitiv olub.

Ötən testin nəticələri pozitiv olan 7 futbolçu Qara Qarayev, Emil Balayev, İsmayıl İbrahimli, Toral Bayramov, Mahir Emreli, Abbas Hüseynov və Kevin Medinada da eyni nəticə verib.

İki futbolçu Bədavi Hüseynov və Patrik Andrade də zədə səbəbindən növbəti oyunu buraxmalı olacaq. Son testləri neqativ çıxan Maksim Medvedev və Musa Qurbanlı da həkim məsləhəti ilə tam məşqlərə bərpa etməyib.

Beləliklə UEFA-ya təqdim olunan A və B iştirak ərizəsində yer alan 23 futbolçudan 13-ü (hər iki qapıçı) "Vilyarreal"la oyunda iştirak edə bilməyəcək.

Dekabrın 10-u komandanın "Vilyarreal"la matçı baş tutmayacaq və qarşılaşma haqda qərar UEFA tərəfindən veriləcək.