İdman gimnastikası üzrə Azərbaycan milli komandasının üzvü Nazənin Teymurova Türkiyənin Mersin şəhərində keçirilən “Challenge” seriyasına aid Dünya Kubokunda finala vəsiqə qazanıb.

Offsideplus.az xəbər verir ki, idmançımız dayaqlı tullanma hərəkətinin icrasında həlledici mərhələyə vəsiqə qazanıb.

Qeyd edək ki, Dünya Kubokunda Azərbaycanı kişilər arasında Mənsum Səfərovla Nikita Simonov, qadınların yarışında isə Nazənin Teymurova və Samirə Qəhrəmanova təmsil edir.

Yarışa sentyabrın 3-də yekun vurulacaq.