"Qarabağ" UEFA Çempionlar Liqasının II təsnifat mərhələsində Bakıda Moldova "Şerif"i ilə matça itki ilə çıxacaq. 

Offsideplus.az "Report"a istinadən xəbər verir ki, klubun Mətbuat xidmətinin rəhbəri Nurlan İbrahimovun verdiyi məlumata görə, Ağdam təmsilçisi müdafiəçi Rahil Məmmədovun xidmətindən yararlana bilməyəcək. 

Klub rəsmisi Məmmədovun Qəbələdəki toplanışdan əvvəl yüngül zədəsinin olduğunu bildirib. İbrahimovun sözlərinə görə, oyunçu hazırlıq prosesində yenidən zədələnib və hazırda əzələsində ağrılar var. 

Əvəzində, komandanın baş məşqçisi Qurban Qurbanov I təsnifat mərhələsində Şimali Makedoniyanın "Sileks" klubunu 4:0 məğlub etdikləri matçı cəza səbəbindən buraxmış Qara Qarayevin xidmətindən yararlana biləcək. 

Qeyd edək ki, avqustun 26-da Tofiq Bəhramov adına Respublika stadionunda keçiriləcək "Qarabağ" - "Şerif" matçı saat 20:00-da başlayacaq.