Futzal üzrə milli komandamız bu gün Avropa çempionatının seçmə mərhələsində növbəti oyununa çıxıb.

Offsideplus.az xəbər verir ki, 3-cü qrupda yer alan yığmamız 4-cü tur çərçivəsində Moldovanın qonağı olıb.

Beş gün əvvəl Bakıda rəqibini 5:1 hesabı ilə məğlub edən Joze Alesio da Silvanın yetirmələri Çoreskudakı “FMF Arena”da rəqibi 5:3 hesabı ilə yenib.

Bununla aktivindəki xalların sayını 12-yə çatdıran yığmamız ən yaxın izləyicisi Slovakiyanı 5 xal qabaqlayıb.

Avropa çempionatının seçmə mərhələsi
3-cü qrup, IV tur
9 mart
20:30. Moldova - Azərbaycan 3:5

Qollar: A.Laşku, 32. S.Nikolayçuk, 36. A.Neqara, 37 - H.Ahmadi, 7. Vassura, 23; 36. R.Çovdarov, 28. Y.Kojokaru (aq)
Hakimlər: Damian Qrabovski (Polşa), Yasin Alageyik (Belçika), Viktor Buqenko (Moldova)
Çoresku. “FMF Arena”