"Liverpul" klubunun baş məşqçisi Yurgen Klopp "Barselona"dan ayrılacağı gözlənilən Lionel Messinin "Mançester Siti"yə mümkün transferi haqda danışıb.

Offsideplus.az "NTV Spor.net"ə istinadən xəbər verir ki, almaniyalı mütəxəssis 33 yaşlı hücumçu ilə bağlı danışarkən, onun transferinin Premyer Liqa üçün əla hal ola biləcəyini deyib:

"Messinin "Mançester Siti"yə transferi onların məğlub etməyimizi çətinləşdirər, amma Premyer Liqa üçün əla olar. Onu burada görmək istəyərəm".

53 yaşlı çalışdırıcı Messi ilə maraqlanıb-maraqlanmadıqları ilə bağlı sualı isə belə cavablandırıb:

"Messi ilə maraqlanmaq? Onu kim komandasında istəməz? Ancaq bizim şansımız yoxdur, söylənilən rəqəmlər bizə uyğun deyil".