Misli Premyer Liqasının 19-cu turunda "Qarabağ" "Şamaxı"nı 3:2 hesabı ilə qalib gəldi.

Offsideplus.az xəbər verir ki, oyundan sonra meydan sahiblərinin çalışdırıcısı Qurban Qurbanov mətbuat konfransında iştirak etdi. 

Mütəxəssis qələbə haqda bunları söylədi:

"Çətin görüş oldu. . Əlbəttə ki, burada keyfiyyətli oyun gözləmək olmazdı. Çünki fasilədən sonra ilk matç idi. Ayxan Abbasov yaxşı komanda formalaşdırıb. Əzmkar mübarizə aparmağı xoşlayırlar. Vacib qələbə qazandıq. Qarşıda bizi önəmli görüşlər gözləyir. 2 qol buraxmağımız sürpriz olmadı. Sadəcə, narahat oldum. Ola bilər ki, diqqətsizlikdən oldu. Belə oyunların bizə faydası olur".