Misli Premyer Liqasının 19-cu turunda "Qarabağ" "Şamaxı"ya qalib gəldi - 3:2.

Offsideplus.az xəbər verir ki, oyundan sonra qonaqların çalışdırıcısı Ayxan Abbasov mətbuat konfransında iştirak etdi.

Mütəxəssis məğlubiyyət haqda bunları söylədi:

"Maraqlı oyun oldu. Birinci hissədə çoxlu qollar vuruldu. Fasilədən sonra da yaxşı mübarizə apardıq. Xırda səhv bizə baha başa gəldi. Biz də qol vura bilərdik. Təəssüflənirik. Oyunçularımdan razı qaldım. Bəzi futbolçular hələ tam uyğunlaşmayıb. Buna rəğmən, mübarizəmizi davam etdirəcəyik. Qarşıda çox yaxşı oyunlar var. Gərgin görüşlər və ikinci hissə bizi gözləyir".