"Tottenhem"in futbolçusu Dele Alli "Mançester Siti"nin baş məşqçisi Xosep Qvardiolanın qızı ilə görüntülənib. 

Offsideplus.az xəbər verir ki, bir neçə ay öncə model sevgilisi Rubi Mae tərəfindən tərk edilən Alli, yeni sevgiyə yelkən açıb. Belə ki, 25 yaşlı yarımmüdafiəçi Mariya Qvardiola ilə Londonda öpüşərkən yaxalanıb. Pep Qvardiolanın 20 yaşlı qızının yaxınlarından əldə edilən məlumata görə, ikili sadəcə dostdurlar. Futbolçunun tərəfindən isə hələ heç bir açıqlama gəlməyib.

Qeyd edək ki, Rubi Mae aşırı video oyunlar oynaması səbəbindən Dele Alli ilə 5 illik münasibətlərinə mart ayında son verib.