"Monako" klubu müdafiəçisi Gilyermo Maripanla müqavilənin müddətini artırıb.

Offsideplus.az xəbər verir ki, çilili mərkəz müdafiəçisi ilə yeni müqavilənin müddəti 2025-ci ilin yayına kimi nəzərdə tutulub. 28 yaşlı futbolçunun əvvəlki sözləşməsi 2024-cü ilin yayına qədər idi. 

Maripan 2019-cu ildən formasını geyindiyi “Monako”da 100 rəsmi matça çıxıb, 11 qol və 2 məhsuldar ötürmə müəllifi olub. Müdafiəçi əvvəllər “Alaves” və “Universidad Katolika” klublarının da formasını geyinib. O, Çili millisində 38 matça çıxıb və 2 qol vurub.