"Liverpul"un əfsanəsi Ceymi Karrager Kilian Mbappenin "Liverpul"a mümkün transferindən söz açıb.

Offsideplus.az "CBS Sports"a istinadən xəbər verir ki, Karrager "Liverpul"un PSJ-li futbolçu üçün ideal yer olduğunu düşünür. O, "qırmızılar"ın baş məşqçisi Yürqen Kloppun 22 yaşlı hücumçu ilə əlaqə saxladığından söz açıb:

"Kilian Mbappe "Monako"da çıxış edərkən "Liverpul"a keçidi mümkün idi. Zarafat etmirəm, o zamanlarda Kloppun onunla danışdığını bilirəm. Karyerasının bir dönəmində "Real"da oynayacağını düşünürəm. Lakin növbəti addımdan öncə "Liverpul" belə bir oyunçu üçün ideal bir yerdir".