"Barselona"nın və Argentina yığmasının hücumçusu Lionel Messi bir klubun heyətində qolların miqdarı üzrə rekordun təkrarlanması təbriki ilə əlaqədar futbol üzrə üçqat dünya çempionu Peleyə təşəkkür edib.
Offsideplus.az xəbər verir ki, Messi bu barədə instaqram hesabında yazıb: "Hərarətli sözlərə görə təşəkkür edirəm. Belə böyük insandan təbrik almaq xoş idi. Sizi qucaqlayıram".
Şənbə günü Messi “Barselona”nın İspaniya çempionatının "Valensiya"ya qarşı matçında (2:2) qol vurub. Bu, argentinalı üçün "Barselona"nın heyətində rəsmi matçlarda 643-cü qol olub. Pele oyundan sonra instaqramdakı hesabında onun qol rekordunu təkrarlayan Messiyə təbrik yazaraq onun oyununa heyran olduğunu bildirib.
