Offsideplus.az "azerisport"a istinadən xəbər verir ki, 21 yaşlı hücumçu 2012-ci ildə Serbiyanın U-15 komandası ilə "Gabala Cup" turnirinin iştirakçısı olub. Finala qədər irəliləyən serblər həlledici qarşılaşmada "Qalatasaray"la qarşılaşıblar. Yoviç həmin matçda qol vursa da, bu, onun komandasını məğlubiyyətdən xilas etməyib. Türklərə uduzan Serbiya yığması ikinci yerlə kifayətlənməli olub. Gümüş medalçılara mükafatları "Qəbələ"nin o vaxtkı vitse-prezidenti (hazırkı prezidenti) Fariz Nəcəfov və AFFA-nın baş katibi Elxan Məmmədov təqdim ediblər.