​İspaniyanın "Real Madrid" klubu Almaniyanın "RB Leypziq" komandasında çıxış edən hücumçu Yan Diomandenin transferini yekunlaşdırmaq üzrədir.

Offsideplus.az xəbər verir ki, ​"Kral klubu" 19 yaşlı Fil Dişi Sahili milli komandasının üzvü üçün Almaniya təmsilçisinə 100 milyon avro ödəyəcək.

Gənc ulduzla 5 mövsümlük müqavilə imzalanması barədə tərəflər arasında razılıq əldə olunub.

​Ötən mövsüm "RB Leypziq" heyətində uğurlu çıxış edərək Avropa nəhənglərinin diqqətini cəlb edən Diomandenin transferi üçün "Paris Sen-Jermen" və "Liverpul" kimi klublar da iddialı olsa da, futbolçu karyerasını "Real Madrid"də davam etdirməyə üstünlük verib.