UEFA Konfrans Liqasının III təsnifat mərhələsinin cavab oyunu çərçivəsində "Araz-Naxçıvan" sabah Bakı vaxtı ilə saat 21:00-da “Omoniya” ilə qarşılaşacaq. 

Offsideplus.az xəbər verir ki, oyundan öncə baş məşqçi Elmar Baxşıyevin və Çarles Bolinin iştirakı ilə mətbuat konfransı keçirilib.

E.Baxşıyev sabahkı matçla bağlı fikirlərini bölüşüb: 

“Oyun baxımından daha artığını gözləyirik. Komandamız fərqlidir. Doğma meydanda böyükhesablaməğlub olsaq da, komanda şəklində daha yaxşısını edə bilərik və sabah buna cəhd edəcəyik. Qarşımızdakı rəqib də təcrübəli, yaxşı təşkilatlanmış komandadır. Amma yaxşı nəticə qazanmaq üçün çalışacağıq. Hesabı kənara qoysaq, Bakıda istədiyimiz oyunu da göstərə bilmədik. Amma bunlar arxada qaldı. Komanda şəklində daha yaxşısını edə bilirik. Havanın temperaturu Bakı ilə demək olar, oxşardır. Rütubətlilik bir qədər çox hiss olunur. Amma bu futbolçulara problem yaratmamalıdır”.

Çarles Boli 0:4 hesabı ilə yekunlaşan ilk matçı unutduqlarını qeyd edib: “Futboldur, belə nəticələr olur. Birinci oyunu unutmuşuq. Sabahkı oyunda daha yaxşı nəticə qazanacağımıza ümid edirəm. Düzdür, oyun çətin, gərgin olacaq, ancaq biz hazırıq. Rəqibi yaxşı tanıyırıq. Onlara qarşı bir neçə dəfə oynamışam. Kiprin ən güclü komandalarından biridir. Lakin inanıram ki, “Araz-Naxçıvan” sabahkı oyunda istəyinə çatacaq”.