Yunan-Roma güləşi üzrə Azərbaycan milli komandası Göygöl şəhərində təlim-məşq toplanışını davam etdirir.
Offsideplus.az xəbər verir ki, yanvarın 14-də başlayan hazırlıq prosesində əsas diqqət idmançıların fiziki kondisiyasının yüksəldilməsinə ayrılıb.
Millinin baş məşqçisi Məhəmməd Bəna hazırlıqların gedişatı və komandanın qarşısına qoyulan məqsədlərlə bağlı geniş açıqlama verib. Təcrübəli mütəxəssis bildirib ki, hazırkı mərhələ həm tanışlıq, həm də aprelin 20-də keçiriləcək Avropa çempionatına hazırlıq xarakteri daşıyır.
Bənanın sözlərinə görə, il ərzində komandanı gərgin qrafik gözləyir: "Aprelə qədərki dövr hazırlığımızın ilk mərhələsidir. Bu müddətdə Albaniyadakı reytinq turniri və U-23 Avropa çempionatı kimi önəmli sınaqlar var. Qitə birinciliyinə qədər 5-6 toplanış planlaşdırırıq. Əsas hədəfimiz isə dünya çempionatıdır. Allahın köməkliyi ilə həmin vaxta qədər komandanı ən yüksək formasına çatdıracağıq".
Azərbaycan güləş məktəbinin nüfuzundan danışan baş məşqçi, komandanın potensialını yüksək qiymətləndirib: "Azərbaycan yunan-Roma güləşi üzrə dünyada ilk 2-3 ölkədən biridir. Belə bir kollektivə rəhbərlik etmək mənim üçün qürurdur. Güləşçilərimiz yüksək texnikaya malikdirlər, lakin bu ustalığı fiziki hazırlıqla möhkəmləndirmək mütləqdir. Biz fiziki, texniki və psixoloji hazırlığı vahid bir zəncir halına gətirməliyik".
Məhəmməd Bəna yaxın vaxtlarda keçiriləcək Albaniya turniri barədə də məlumat verib. O bildirib ki, həmin yarışda ölkə çempionatında fərqlənən 20-dən çox güləşçi qüvvəsini sınayacaq. Baş məşqçi sonda əlavə edib ki, Avropa çempionatı bir növ hazırlıq mərhələsi olacaq, əsas "pik nöqtə" isə dünya çempionatında hədəflənib.
Baş məşqçinin sözlərinə görə, dünya çempionatına qədər idmançıların optimal formaya düşməsi üçün ümumilikdə 5-6 təlim-məşq toplanışı keçiriləcək.
Məhəmməd Bəna Azərbaycanın dünya güləşindəki yüksək statusunu xüsusi vurğulayaraq, burada çalışmağın onun üçün qürurverici olduğunu qeyd edib. O, yerli güləşçilərin texniki ustalığını yüksək qiymətləndirsə də, bəzi nüanslara toxunub:
"Azərbaycanlı güləşçilər texniki cəhətdən çox istedadlıdırlar. Lakin qələbə üçün bu kifayət deyil. Biz fiziki hazırlıq, texniki ustalıq və psixoloji dözümlülüyü bir zəncir kimi birləşdirməliyik. Federasiya, məşqçilər və idmançılar vahid komanda kimi hərəkət etməlidir".
Yaxın günlərdə Albaniyadakı turnirdə 20-dən çox güləşçinin sınaqdan keçiriləcəyini deyən baş məşqçi, illik strategiyanı iki mərhələyə böldüklərini açıqlayıb. Apreldəki qitə birinciliyi hazırlıq dövrünün bir mərhələsi olsa da, əsas hədəf Dünya çempionatında maksimum nəticə göstərməkdir.
