“Turan Tovuz” klubunun baş məşqçisi Ayxan Abbasov Misli Premyer Liqasının 28-ci turu çərçivəsində “Sumqayıt”a qarşı keçirdikləri oyun haqda danışıb.

Offsideplus.az xəbər verir ki, o, doğma meydanda 2:3 hesabıyla uduzduqları matçdan sonra baş tutan mətbuat konfransında bunları söyləyib:

“Bəzi futbolçular millidə idi. Zədəlilər də var idi. Bu da planlarımızı pozdu. Rəqibin yaxşı müdafiə olunduğunu da deməliyəm. Bunu gözləyirdik, onlar bura xal qazanmağa gəlmişdilər.

Komandada arxayınlıqdan söhbət gedə bilməz. Çünki Premyer Liqada yerimizi təmin etməmişik. Bu baş versəydi belə, çıxıb oynamalı, qələbə qazanmalıyıq. Çox üzgünəm? "Sumqayıt"a uduzmağımıza görə belə deyiləm. Onlarla məsələm çoxdan bitib. Sadəcə, indidən növbəti oyunumuzu, zədəliləri fikirləşirəm. Sizinlə burda danışsam da, beynimdə qarışıq fikirlər var”.