Təcrübəli yarımmüdafiəçi Adel Taarabt 37 yaşında peşəkar futbol karyerasını bitirdiyini açıqlayıb.

Offsideplus.az xəbər verir ki, qoca kontinentin müxtəlif klublarında və milli komandada iz qoyan mərakeşli oyunçu zəngin xatirələrlə bu yoldan ayrılır.

• Statistika göstəriciləri: Mərakeşli futbolçu karyerası ərzində klub və milli komanda səviyyəsində 500-dən artıq matçda meydana çıxıb və ümumilikdə 169 qol töhfəsi ilə yadda qalıb.

• Klub titulları: "Tottenhem Hotspur" ilə 2008–09 mövsümündə Liqa Kubokunun finalçısı olan oyunçu "Kuinz Park Reyncers" ilə 2010–11 mövsümündə Çempionşip çempionluğu qazanıb.

• "Benfika"da çıxış edərkən 2018–19 Primeyra Liqa və 2019 Superkubok çempionu olub, həmçinin Portuqaliya Kubokunun finalçısı adını qazanıb. Daha sonra "Əl-Nəsr" və "Şarja" klubları ilə BƏƏ-Qətər Super Kuboku seriyası və Asiya Çempionlar Liqası İki (2024–25) titullarına yiyələnib.

• Fərdi mükafatlar: 2010–11 mövsümündə Çempionşipdə mövsümün oyunçusu seçilib, liqanın simvolik 11-liyinə daxil olub, ən çox məhsuldar ötürmə edən futbolçu olub və avqust ayının oyunçusu mükafatını alıb. O, həmçinin 2023–24 mövsümündə BƏƏ Prezident Kubokunun bombardiri olub.

• Vida açıqlaması: Yaşadığı gözəl anların, çətinliklərin, səhvlərin və möhtəşəm gecələrin hamısının onun səyahətinin bir parçası olduğunu vurğulayan Taarabt, bu yolu heç bir şeyə dəyişməyəcəyini bildirib.