"Barselona" İspaniya Kubokunun yarımfinal mərhələsinin ilk matçında səfərdə "Atletiko"ya 0:4 hesabı ilə məğlub olub.

Offsideplus.az xəbər verir ki, görüşdə bütün qollar ilk hissədə vurulub.

Oyundan sonra katalon klubunun baş məşqçisi Hansi Flik hələ də şanslarının olduğunu bildirib:

"Biz geri dönüş etmək ehtimalını istisna edə bilmərik. Hələ heç nə bitməyib.

Cavab oyunu bizim stadionumuzdadır. Bizə lazımdır ki, bütün azarkeşlərimiz stadionu doldursunlar”.

Almaniyalı mütəxəssis ofsayd epizoduna da toxunub:

"La Liqada hakimlik tam xaosdur. Mən ofsayd epizodunu gördüm. Orada heç nə yox idi. 7 dəqiqə yoxladılar? Nəsə tapmağa çalışırdılar ki, qolu ləğv etsinlər. Heç normal kommunikasiya da yoxdur. Bizə heç nə açıqlanmadı"!

Qeyd edək ki, tərəflər arasında cavab oyunu martın 4-də keçiriləcək.