UFC reytinqinin dördüncü pilləsində yer alan Mövsər Evloyev bu həftə sonu Los-Ancelesdə baş tutacaq UFC 311-də baş çəki dərəcəsində və yüngül çəkidə titul uğrunda döyüşlər barədə fikirlərini bölüşüb.

Offsideplus.az xəbər verir ki, rusiyalı döyüşçü Adam Zubairayev və Tambi Masayevə müsahibəsində deyib: “Hazırda yüngül çəkidə ondan yüksək səviyyədə olan İslama qalib gələ biləcək heç kim yoxdur. Döyüşün tam vaxta gedəcəyini düşünmürəm. Sonrakı raundlarda – üçüncü və ya dördüncü raundda başa çatacaq”.

“Merab öz güləşi ilə istənilən rəqibə təzyiq göstərə bilər, amma güləşi çox yaxşı bilən, ömrü boyu Həbib və İslam güləşinin təzyiqi altında olan Umarla bağlı Merab heç nə göstərməyəcək. Umar isə ayaq üstə olanda daha yaxşı görünür. Merab onu güləşdə təəccübləndirməyəcək və onun stenddə göstərəcək heç nəsi yoxdur”.