ABŞ millisinin baş məşqçisi Maurisio Poçettino DÇ-2026-nın debüt matçında Paraqvay üzərində qazanılan 4:1 hesablı qələbəni şərh edib.

Offsideplus.az xəbər verir ki, təcrübəli mütəxəssis fərdi çıxışlardan daha çox, komanda oyununu ön plana çıxarıb.

ABŞ yığması dünya çempionatları tarixində ilk dəfə bir oyunda 4 qol vurub. Hücumçu Folarin Baloqun isə dubl etməklə 1930-cu ildən bəri DÇ-də bir matçda 2 qol vuran ilk amerikalı futbolçu olub.

Baloqon, Kristian Pulişiç və Ueston Makkenninin əla oyununa baxmayaraq, Poçettino komandanın və texniki heyətin ortaq əməyini yüksək qiymətləndirib:

"Bu, kollektiv yanaşmanın bəhrəsidir. Azarkeşlərimiz də möhtəşəm idilər, onlardan böyük enerji aldıq. Fanatlar belə dəstək versələr, daha böyük işlər görə bilərik".

Qeyd edək ki, ABŞ millisi D qrupunda Türkiyə və Avstraliya yığmaları ilə də qarşılaşacaq.