2026-cı ildə ABŞ, Kanada və Meksikanın ortaq ev sahibliyi ilə keçiriləcək futbol üzrə Dünya Çempionatı həm miqyasına, həm də xərclərinə görə tarixin ən böyük idman hadisəsinə çevrilir.
Offsideplus.az xəbər verir ki, FİFA-nın son məlumatları göstərir ki, yeni format təkcə yaşıl meydanlarda deyil, həm də qlobal maliyyə bazarlarında rekordlar qıracaq.
Yeni formatda (48 komanda və 104 oyun) təşkil olunacaq turnirin dünya miqyasında 80 milyard dollardan çox iqtisadi dövriyyə yaradacağı gözlənilir. Proqnozlara görə:
- ÜDM-ə töhfə: Təşkilat qlobal Ümumi Daxili Məhsula 40,9 milyard dollar əlavə vəsait qazandıracaq.
- Yeni iş yerləri: 3 ölkənin 16 ev sahibi şəhərində ümumilikdə 824 min nəfər üçün müvəqqəti və daimi iş yerləri yaradılacaq.
- Sponsorluq gəlirləri: Yalnız sponsorluq müqavilələrindən əldə olunacaq gəlirin 3 milyard dolları ötəcəyi proqnozlaşdırılır.
Futbolsevərlər üçün builki çempionat həm də böyük xərc deməkdir. Turnirin kommersiya tərəfi azarkeşlərin büdcəsinə ciddi zərbə vuracaq:
- Bilet qiymətləri: Bəzi oyunlar üçün biletlərin qiyməti artıq 10,000 dollara yaxınlaşır.
- Hotel xərcləri: Oyunların keçiriləcəyi şəhərlərdə mehmanxana və gecələmə qiymətlərində 90%-ə yaxın artım müşahidə olunur.
ABŞ, Kanada və Meksikadakı 16 şəhər həm infrastruktur, həm də təhlükəsizlik baxımından son hazırlıqlarını tamamlayır. Mütəxəssislər hesab edir ki, bu çempionat idman tarixinin ən gəlirli, lakin azarkeşlər üçün ən baha başa gələn turniri olacaq.
