Martın 21-dən 26-dək Bosniya və Herseqovinada təşkil olunacaq Avropa çempionatının əsas mərhələsinin qrup oyunlarında iştirak edəcək 19 yaşadək futzalçılardan ibarət Azərbaycan millisinin heyəti açıqlanıb. 

Offsideplus.az Azərbaycan Futzal Federasiyasının saytına istinadən xəbər verir ki, ikisi qapıçı olmaqla ümumilikdə 12 futzalçı səfərə aparılacaq. Komanda martın 20-də Bakı-İstanbul-Sarayevo hava reysi ilə Bosniya və Herseqovinaya gedəcək, Sarayevodan isə matçların təşkil olunacağı Siroki Breyq şəhərinə avtobusla yollanacaq. U-19-u oyunlara baş məşqçi kimi İlqar Aslanov çıxardacaq. Komandanın heyəti aşağıdakı kimidir:

Əli Quliyev (ADBTİA), Sadiq Əlizadə, Fərid Abbasov, Kənan Rovşani, Rüfət Məmmədli,  Qudrət Qasımzadə (hamısı "Baku Fire"), Kərim Babayev  ("Zirə"), Şahbaz Həndəmli, Əhməd İsmayılov, Sunay Həsənov, Elşən Mahmudov , İlham Alıyev (hamısı U-19)