Azərbaycan futzal millisinin avqustun 9-dan 20-dək keçirməli olduğu təlim-məşq toplanışı və Türkmənistanla yoxlama oyunları ləğv edilib.

Offsideplus.az xəbər verir ki, bu barədə Azərbaycan Futzal Federasiyasının saytı məlumat yayıb. 

Türkmənistan yığma komandası avqustun 10-dan 20-dək Bakıda təlim-məşq toplanışı, hazırlıq prosesi çərçivəsində Azərbaycan millisi ilə avqustun 17-də və 19-da yoldaşlıq oyunları keçirməli idi. Amma sənədləşmə prosesini vaxtında etmədiyinə və Azərbaycana giriş üçün viza ala bilmədiyinə görə, Türkmənistan millisinin Bakıya səfəri təxirə salınıb. Buna görə də, Azərbaycan millisinin bu rəqiblə keçirəcəyi oyunlar, eləcə də avqustun 9-dan 20-dək nəzərədə tutulan təlim-məşq toplanışı ləğv olunub.