UEFA Çempionlar Liqasında başa çatan mövsümün ən yaxşı qolu seçilib.

Offsideplus.az xəbər verir ki, "Real Madrid"in uruqvaylı yarımmüdafiəçisi Federiko Valverdenin UEFA Çempionlar Liqasında "Mançester Siti" şəbəkələrinə göndərdiyi möhtəşəm qol turnirin Mövsümün Qolu mükafatına layiq görülüb. UEFA-nın Texniki Müşahidəçi Qrupu tərəfindən aparılan dəyərləndirmədə ulduz futbolçunun vurduğu unudulmaz qol bütün rəqiblərini geridə qoyaraq turnirin ən yaxşısı seçilib.

Valverdenin bu mükafata layiq görülən qolu turnirin yaddaqalan matçlarından birində — "Santyaqo Bernabeu" stadionunda "Mançester Siti"yə qarşı keçirilən gərgin qarşılaşmada qeydə alınıb. Havadan gələn ötürməni birbaşa, gözoxşayan bir volley zərbəsi ilə rəqib qapısına göndərən ulduz oyunçunun bu dəqiq zərbəsi uzun müddət futbol dünyasında müzakirə olunmuşdu.

Bu qol həm estetik gözəlliyi, həm də matçın taleyində oynadığı kritik rola görə UEFA tərəfindən rəsmən mövsümün ən gözəl incisi elan edilib.