Arne Slot Çempionlar Liqasının 1/8 final mərhələsinin püşkü ilə bağlı fikirlərini bölüşüb.

Offsideplus.az xəbər verir ki, niderlandlı mütəxəssis bildirib ki, mümkün rəqiblərə baxdıqda komandanı çətin qarşılaşmanın gözlədiyi əvvəlcədən bəlli idi:
“Ehtimal olunan rəqiblərə baxanda gözlədiyimiz kimi çətin son 16 cütlüyü almışıq. Bu mövsüm daha əvvəl qarşılaşdığımız bir komandaya qarşı oynayacağıq. Səfərdə keçiriləcək ilk oyunda, sentyabr ayında İstanbulda oynadığımız son matçla müqayisədə xeyli daha yaxşı çıxış etməli olduğumuzu bilirik. Bu cütün əsas hədəfi də məhz budur.”

Slot xüsusilə vurğulayıb ki, "Qalatasaray"ın 1/8 finala yüksəlmək üçün "Yuventus" üzərində çox müsbət nəticə qazandığını nəzərə alaraq, rəqibin gücü hamıya bəllidir.

Baş məşqçi əlavə edib ki, Çempionlar Liqasının oyunlarına qədər komandanın digər turnirlərdə də vacib matçları var və həmin qarşılaşmaya maksimum hazır vəziyyətdə çıxmaq istəyirlər.