Almaniya Bundesliqasının 11-ci turu çərçivəsində "Auqsburq"la qarşılaşan "Bayern" rəqibini 3:0 hesabı ilə məğlub edib.

Offsideplus.az xəbər verir ki, Harri Keyn het-trik müəllifi olmaqla yanaşı, yeni rekordun sahibi olub.

İngiltərəli forvard Bundesliqada cəmi 43 matçda 50 qola müvəffəq olub. Bununla da Keyn Erlinq Holandın vaxtilə Dortmund "Borussiya"nın heyətindəki göstəricisini geridə qoyub. Holand 50 qol hədəfinə 50 oyunda çatmışdısa, ingilis hücumçu bir qədər qolları daha sürətli vuraraq yeni liqa rekordu müəyyənləşdirib.