"Bavariya" klubu baş məşqçi Yulian Naqelsmanla yollarını ayırmaq qərarına gəlib. 

Offsideplus.az xəbər verir ki, gözlənilmədən verilən bu qərarı Naqelsman xəbərlərdən oxuyaraq öyrənib. Klub rəhbərliyi alman mütəxəssislə əlaqə saxlamayıb. Bu barədə jurnalist Fabritsio Romano məlumat yayıb. Rəsmi açıqlamanın yaxın saatlarda veriləcəyi gözlənilir. 

Naqelsmanı Tomas Tuxel əvəzləyəcək. "Çelsi"nin sabiq çalışdırıcısı ilə razılıq əldə olunub. 

Qeyd edək ki, "Bavariya" Çempionlar Liqasının 1/4 final mərhələsində "Mançester Siti" ilə qarşılaşacaq. Komanda Almaniya Bundesliqasında turnir cədvəlində lider "Borussiya Dortmund"dan bir xal geridədir.