Azərbaycan Basketbol Liqasında (ABL) VIII tura bu gün start veriləcək.

Offsideplus.az xəbər verir ki, ilk oyun günündə 2 oyun baş tutacaq.

B qrupunda lider və autsayder üz-üzə gələcək. "Sərhədçi" "Ordu"nu qəbul edəcək. Görüş Bakı vaxtı ilə saat 17:00-da start götürəcək.

"Ordu" qrupda 14 xalla liderdir. 9 xala malik "Sərhədçi" isə sonuncu yerdədir.

A qrupunda isə "Neftçi" "Gəncə"ni sınağa çəkəcək. Bu qarşılaşma saat 20:00-da başlayacaq.

"Gəncə" 8 xalla dördüncü, "Neftçi" 7 xalla beşincidir.

Hər iki görüş "Sərhədçi" İdman Mərkəzində baş tutacaq.